ಜಗತ್ತಿಗೊಂದು ಶಾಂತಿ ಮಂತ್ರ: ಕುವೆಂಪು-ಬಸವಣ್ಣನವರ ಹಾದಿ ನಮಗೆ ದಾರಿ

ಭಾರತದಾಗ ಬಹುತೇಕ ಮಂದಿ ಇವತ್ತು ಒಬ್ಬ ಪ್ರೀತಿಯ ನಾಯಕನ ಅಗಲಿಕೆಯ ದುಃಖದಾಗ ಅದಾರ. ಆದರೆ ಇಂತಾ ಟೈಮ್‌ನ್ಯಾಗೂ ಕೆಲವ್ರು ಮುಸ್ಲಿಂ ಸಮಾಜದವರನ್ನ "ಅನ್ಯರು" ಅಂತಾ ಅನ್ನೋದು, ಅವರನ್ನು ಗೇಲಿ ಮಾಡೋದು, ಅಷ್ಟಕ್ಕ ನಿಲ್ಲದ ಅವರನ್ನು ಬರಿ ಒಂದು "ಪಾರ್ಟಿ"ಗೆ ಸೀಮಿತ ಮಾಡೋದು ನೋಡಿದ್ರ ಬಹಳ ಸಂಕಟ ಆಕ್ಕೈತಿ. ಇವತ್ತು ನಾವು ಕುವೆಂಪು ಅವ್ರ 'ವಿಶ್ವಮಾನವ' ತತ್ವ ಮತ್ತು ಬಸವಣ್ಣನವರ 'ಇವ ನಮ್ಮವ' ಅನ್ನೋ ದೊಡ್ಡ ಗುಣವನ್ನ ಮತ್ತೊಮ್ಮೆ ನೆನಪು ಮಾಡ್ಕೋಬೇಕಾಗೈತಿ.

ವಿಶ್ವಮಾನವ ಅಂದ್ರ ಏನ್ರೀ?

ನಮ್ಮ ಕುವೆಂಪು ಅಜ್ಜ ಹೇಳಿದ್ರು, "ಮಗು ಹುಟ್ಟುವಾಗ ವಿಶ್ವಮಾನವ ಇರ್ತೈತಿ, ಅದನ್ನ ಬೆಳೆಯುತ್ತಾ ಅಲ್ಪಮಾನವ ಮಾಡ್ತೀವಿ" ಅಂತಾ. ನಾವು ಇವತ್ತು ಜಾತಿ-ಧರ್ಮದ ಹೆಸರಿನಾಗ ಗೋಡೆ ಕಟ್ಕೊಂಡು ಕುಂತೇವಿ. ಯಾರನ್ನೋ ನೋಡಿ ನಕ್ಕರೆ ಇಲ್ಲಾ ಅವರನ್ನು ಕೀಳಾಗಿ ಕಂಡರೆ ನಮ್ಮ ಸಂಸ್ಕೃತಿ ದೊಡ್ಡದಾಗಂಗಿಲ್ಲ.

ಬಸವಣ್ಣನವರು ಎಷ್ಟೋ ವರ್ಷದ ಹಿಂದ ಹೇಳ್ಯಾರ, "ಇವನಾರವ ಇವನಾರವ ಅನ್ನಬೇಡ್ರಿ, ಇವ ನಮ್ಮವ ಇವ ನಮ್ಮವ ಅನ್ರಿ" ಅಂತಾ. ಒಬ್ಬ ಮನುಷ್ಯನನ್ನು ಬರಿ ಒಂದು ವೋಟ್ ಹಾಕೋ ಮಂದಿ ಅಂತಾ ಅಂದ್ಕೊಳ್ಳೋದು ಅವರಿಗೆ ಮಾಡೋ ಅವಮಾನ ಅಲ್ಲೇನ್ರಿ?

ಅಪನಂಬಿಕೆಯ ವಿಷವರ್ತುಲ: ಅಮೆರಿಕ-ಇರಾನ್ ಸಂಘರ್ಷದಿಂದ ನಾವು ಕಲಿಯಬೇಕಾದ್ದು

ಜಗತ್ತಿನಾಗ ಈ ಅಮೆರಿಕ ಮತ್ತು ಇರಾನ್ ನಡುವಿನ ಜಗಳ ನೋಡಿದ್ರ ನಮಗೊಂದು ಬುದ್ಧಿ ಬರ್ತೈತಿ. ಇದರ ಬಗ್ಗೆ ಒಂದು ಮಾತು ಐತಿ:

"ಒಂದು ಕಾಲದಾಗ ದೋಸ್ತ್ ಆಗಿದ್ದ ಈ ಎರಡು ದೇಶಗಳು ಇವತ್ತು ಎಂತಾ ಸ್ಥಿತಿಗೆ ಬಂದಾವ ಅಂದ್ರ, ಅಲ್ಲಿ ಒಬ್ಬರು ತಮ್ಮ ರಕ್ಷಣೆಗಾಗಿ ಏನಾದ್ರೂ ಮಾಡಿದ್ರೂ ಸಾಕು, ಅದು ಇನ್ನೊಬ್ಬರಿಗೆ ತಮ್ಮ ಮೇಲೆ ಮಾಡೋ ಅಟ್ಯಾಕ್ (ದಾಳಿ) ತರಾನ ಕಾಣ್ತೈತಿ."

ಈ ಸಂಶಯ ಐತಲ್ಲ, ಇದು ಬಹಳ ಕೆಟ್ಟದ್ದು. ನಮ್ಮ ದೇಶದಾಗೂ ನಾವು ಒಂದೇ ತಾಟನ್ಯಾಗ ಊಟ ಮಾಡೋ ಮಂದಿ, ಇವತ್ತು ಮುಸ್ಲಿಂ ಬಾಂಧವರನ್ನು ಸಂಶಯದಿಂದ ನೋಡಿದ್ರ ಇಲ್ಲಾ ಅವರನ್ನು ಗೇಲಿ ಮಾಡಿದ್ರ, ಅದು ಈ ಅಮೆರಿಕ-ಇರಾನ್ ನಡುವಿನ ದ್ವೇಷದ ಸುಳಿಯನ್ನ ನಮ್ ಮನೆಯೊಳಗೆ ತಂದ ಹಾಗೆ ಆಕ್ಕೈತಿ.

ನಮಗೀಗ ಬೇಕಿರೋದು ಶಾಂತಿ

ನೋಡ್ರಿ, 2026ರಾಗ ನಾವೀಗ ದೊಡ್ಡ ಮಟ್ಟಕ್ಕೆ ಬೆಳೆಯಬೇಕಾಗೈತಿ. ಬರಿ ಧರ್ಮದ ಹೆಸರಿನಾಗ ಕಿತ್ತಾಡಿದ್ರ ದೇಶ ಉದ್ದಾರ ಆಗಂಗಿಲ್ಲ.

1. ಗೇಲಿ ಮಾಡೋದು ಬಿಡ್ರಿ: ಯಾರನ್ನೋ ನೋಡಿ ನಗೋದ್ರಾಗ ಶೌರ್ಯ ಇಲ್ಲ, ಕೂಡಿಕೊಂಡು ಬದುಕೋದ್ರಾಗ ಐತಿ.

2. ಸಂಶಯ ಬೇಡ: ಅಮೆರಿಕ-ಇರಾನ್ ಹಂಗ ಒಬ್ಬರಿಗೊಬ್ಬರು ಸಂಶಯದ ಕಣ್ಣಿಂದ ನೋಡೋದು ಬಿಟ್ಟು, ವಿಶ್ವಾಸದಿಂದ ಇರೋಣ.

3. ಸಮಬಾಳು-ಸಮಪಾಲು: ಈ ದೇಶ ನಮ್ಮೆಲ್ಲರದು. ಇಲ್ಲಿ ಯಾರೂ ಅನ್ಯರಲ್ಲ.

ಮುಕ್ತಾಯ:

ಮುಸ್ಲಿಂ ಸಮಾಜದವರನ್ನು ನಮ್ಮವರೇ ಅಂತಾ ಅಪ್ಪಿಕೊಳ್ಳೋದು ಇವತ್ತಿನ ಅಗತ್ಯ ಐತಿ. ದ್ವೇಷದ ಬೆಂಕಿ ಹಚ್ಚೋದು ಸುಲಭ, ಆದ್ರೆ ಪ್ರೀತಿಯಿಂದ ಕೂಡಿಸೋದು ಕಷ್ಟ.

ಬನ್ನಿ, ನಾವೆಲ್ಲರೂ *ವಿಶ್ವಮಾನವ*ರಾಗೋಣ. ಬಸವಣ್ಣನವರು ಹೇಳಿದ ಹಂಗ "ದಯವೇ ಧರ್ಮದ ಮೂಲ" ಅನ್ನೋದನ್ನ ಮೇರೆಯೋಣ.

ಜಗತ್ತಿಗೆ ಶಾಂತಿ ಸಿಗಲಿ, ಎಲ್ಲರಿಗೂ ಒಳ್ಳೆಯದಾಗಲಿ.

ಬಸವ ಪಾಟೀಲ